لو كنت ملاك ..أنا لسه بشر
عايش فى عتاب وتعب وسهر
ما أقدرش أطير ..ولكني بغير
من كلمة فى صدفة بعتها قدر
لو كنت ملاك ..أنا لسه بشر
****************
لو كنت ملاك ..مخلوق من نور
أنا لسه بشر مجروح مكسور
ياتحب وأعدي معاك السور
ياتصد ويرجع قلبى حجر
لو كنت ملاك أنا لسه بشر
***************
لو كنت ملاك ..أنا لسه إنسان
مخلوق من طين ..معجون بحنان
طول عمري بشوف العشق أمان
أشمعنى معاك العشق خطر
لو كنت ملاك أنا لسه بشر
****************
لو كنت ملاك خليك فى سماك
وأنا هافضل تحت .. وهستناك
أنا راضي القلب يضيع فى هواك
أنا راضي العمر يعدي هدر
لو كنت ملاك أنا لسه بشر
هناك 5 تعليقات:
الحب يصور الحبيب بلا عيب
فيجعله ملاك وما أجمله من تشبيه,
فالملائكه هم الخواص عند رب العالمين
وهم المخلوقات النورانيه
فعندما يمثل الإنسان الذي يمتلأ بالعيوب أنه ملاك فهذا قمة العشق,
كلماتك جميله يا محمد
وهي السهل الممتنع
دمت مبدعا متألقا
ahmed_k
شكرا لرأيك في كلامي البسيط
ونورتنى بزيارتك
ديما كلماتك جميله ومعبره
تحياتى ليك
اتمنى تزور المدونه الجديدة
http://loveme-to-knowme.blogspot.com/
تائهة بين الخيال والواقع
شكرا على رايك ياجميلة
وفي الطريق إليك
7elwa awiiiiiiiii i love it
إرسال تعليق