ساعة غروب
الشمس لمت كل ألوان الشفق
ومشيت يادوب
ولقيتها رجعت تانى ومعاها لونين
أحمر عشان يرسم شفايف
وأخضر يبان جوا العنين
يخطف قلوب
احمر عشان يرسم شفايف
والشفايف تترسم
لو تبتسم
تنده على القلب اللى خايف
يوم ينخطف
أو يتقسم
مين اللى قال العشق مفتاح الفرح
انا كل عاشق قابلته فى الدنيا أنجرح
لكن الغريب
الكل قال قسمة ونصيب
ولما تنده الشفايف
بيسلم للسحر العجيب
يمشى وراه .. مشوار طوييييييييييل
ولا عمره فكر يوم يتوب
زي انا
لما لقيت الشمس رجعالي بلونين
ساعة غروب
هناك 8 تعليقات:
دا ايه الروعه دى تستاهل 100 صقفه
جميل جدا جدا
لولا
لية غيرت أسمك ؟ والله ماعرفتك غير من صورة البروفيل وبعدين من المدونات
لك وحشة يامعلمة وخطوة عزيزة
أ/ محمد
السلام عليكم
دي أول مره يسعدني الحظ وأدخل لمدونة
حضرتك ولدخولي هنا سبب
رأيت تعليق لك في مدونة أبن الحزب الوطني هي السبب
يا أخي مهما كان لنا من رأي مخالف
لراي هذا المدون فذلك ليس سببا يدعونا للإنزلاق لهذا المستوى في الحوار
هو له رأيه وله مطلق الحريه في عرض رأيه مادام لا يخل بالدين والشرف
وعلينا أن نناقشه ونتحاور معه بدون أن نفقد أعصابنا
لأن أسلوب الشتم وخلافه حجة من لا يملك الحجه
وأنت لديك من الردود الكثير والمقنع بدون أن يتأذى من يقرأ رأيك
أخي كل ما أطلبه منك أن تسرع وتحذف تعليقك الأول هناك لأنه يسيئ لك
ولا يخدم قضيتك ورأيك بشيئ
وتقبل تحياتي
أ \ أحمد
وعليكم السلام
متشكر جدا على النصيحة واللى سمعت لها وعملت بيها بالفعل ، والحمد لله صلحت الخطأ وحذفت التعليق ، انا أسف إذا كنت جرحتك انت او اى حد تانى ملوش بذنب بالألفاظ دي ، لكنها والله انكتبت فى حالة أنفعالية وغضب شديد
غلطة ومش هتكرر بأذن الله وياريت تكرر انت زيارتك
ايه الجمال دا كلو بس يا محمد
بجد كلام عالى اوى
انا كل عاشق قابلته فى الدنيا أنجرح
الكلمه دى انا ابصم بالعشرة عليها
=====================
الحمد لله انك شايف انى هفضل زى ام انا مش هتغير
دعواتك معانا بقى
وبليز سامحنى على لاتاأخير
النت متآمر عليا
دا غير الشغل طبعا
بيس يامعلم
هو انت لما تنعمى تكونى بالكرم
تعلقى فى المدونتين فى يوم واحد
منورة والله
ربنا معاك ويوفقك
واللعنة على النت الخائن
اجميلة جدا يا محمد
قلمك سحري جدا
طويل الشوق
الله يكرمك على الراى الجميل والتعبير الأجمل
ودا بعض ماعندكم
احنا نجى جنب مواضيعك اية؟
إرسال تعليق