كانت لحظة
عدى القطر فوق تحويلة
هز الدنيا
رج العربة
قامت الحلوة مالت حبة
وبعد ما كانت بنا بلاد
صبحت حتة
صبحت قربة
شوفت عيونها وقلت لنفسي
يحصل أية لو جت بين يدى؟
تحويلة تانية
مالت جامد
كدة ببساطة أتحقق حلمى
قالت أسفة
ورجعت خجلة
وأنا عن نفسي
روحت فى دنيا غير الدنيا
لسة السكة معانا طويلة
هى الدنيا كام تحويلة
حتما لازما
ميت تحويلة وتحويلة جاية
ضحك القطر من سرحانى
عارف أنى فى عالم تانى
هى اللحظة وقام صحانى
توت توت
وصلنا محطة
قامت الحلوة سابتنى ونزلت
هناك 4 تعليقات:
ايه ده ايه التطور ده انا لازم اقرالك كتيييييييييييير اوى بعد كده
اكيد دى اول حاجة اعملها لما اقابلك
انت موهوب بجد
mr-biboooo
كنت متأكد انك لسه شاكك فى موهوبتى
رأيك أسعدنى بشدة
مستنى لقائك
الله بجد ايه الجمال ده يا محمد يسلم قلمك
لولا
فينك من زمان يا معلمة
دا من بعض ما عندكم
أحنا بنتعلم منك
إرسال تعليق